இந்தியாவில் நிலக்கடலையானது மிக முக்கியமான எண்ணெய் வித்து பயிராகும். நிலக்கடலையில், சிவப்பு கம்பளிப்புழுவானது 25 முதல் 90 விழுக்காடு அளவிற்கு சேதம் விளைக்கும் மிகவும் மோசமாக பூச்சியாகும்.
விலங்கியல் பெயர்: அமாஸ்க்டா அல்பிஸ்ட்ரைக்கா (Amsacta albistrica)
பொதுப்பெயர்: சிவப்பு கம்பளிப்புழு மற்றும் ரோமப்புழு
தாக்குதலின் அறிகுறிகள்:
- முட்டையில் இருந்து வெளியே வந்த இளம் ரோமப்புழு, இலையின் பச்சையத்தை சுரண்டி உண்ணும்.
- நன்கு முதிர்ந்த புழுவானது, இலையின் நரம்புப் பகுதியை விட்டு இடைப்பட்ட இலைப்பகுதியை உண்டு சேதப்படுத்தும்.
- அதிகமாக தாக்கப்பட்ட செடிகள், மாடு மேய்த்தது போல் நுனிக்குருத்து மற்றும் இலைகள் வெட்டப்பட்டு காணப்படும்.
பூச்சியின் அடையாளம்:
முட்டை: இலையின் அடிப்பகுதியில், தாய் அந்து பூச்சி முட்டையை குவியலாக இடும்.
புழு: உடலின் மேற்பரப்பில் நீளமான சிகப்பு கலந்த பழுப்புநிற முடிகளுடன் கூடிய பழுப்பு நிற புழுக்கள் இருக்கும்.
கூட்டுப்புழு: பழுப்பு நிற, நீள்கோள வடிவில், நீண்ட நாட்களாக உறக்க நிலையில் மண்ணில் இருக்கும். நல்ல மழையை தொடர்ந்து, உறக்க நிலை மீள் பெற்று தாய் அந்து பூச்சிக்கள் வெளியே வரும்.
அந்துப்பூச்சி: முன் இறகானது பழுப்பு கலந்த வெள்ளை நிறத்தில் சிவப்பு நிற முன் புறக்கோடுகளுடன் காணப்படும், பின் இறகானது வெள்ளை நிறத்தில் கருப்பு நிற புள்ளிகளுடன் காணப்படும்.
பொருளாதார சேதநிலை:
100 மீட்டர் வரிசை செடிகளில், 8 மூட்டை குவியல்கள்
கட்டுப்படுத்தும் முறை:
- கோடை உழவு செய்வதன் மூலம், ரோமப்புழுவின் கூட்டுப்புழுக்களை அழிக்கலாம்.
- விளக்குப் பொறியை (1-3 வீதம்/ ஹெக்டர்) அமைத்து அந்துப்பூச்சியை கவர்ந்து அழிக்கலாம்.
- விளக்குப் பொறி வைத்திருக்கும் பகுதியில் முட்டைக்குவியலையும், இளம் புழுக்களை கைகளால் சேகரித்து அழிக்கலாம்.
- துவரை மற்றும் தட்டைப்பயிறு ஆகியவற்றை ஊடுபயிராக பயிர் செய்து இளம் புழுக்களை கவர்ந்து கட்டுப்படுத்தலாம்.
- வயலைச் சுற்றிலும் 30 செ.மீ நிளம் மற்றும் 25 செ.மீ அகலம் இருக்கும் அளவிற்கு சிறிய அளவில் குழிகள் அமைத்து, படையெடுத்து வரும் புழுக்களை அழிக்கலாம்.
- அமாஸ்கடா அல்பிஸ்ட்ரைக்கா நியுக்ளியஸ் வைரஸ் (Aa NPV) (250 LE/ ஹெக்டர்) கலவையினை ஒட்டும் திரவம் (1மிலி/லி) கலந்து மாலை நேரத்தில் தெளிக்க வேண்டும்
பின்வரும் ஏதேனும் ஒரு பூச்சிக் கொல்லியைத் தெளிக்கவும்
- மிதைல் டெமெடான் 25 EC- 1 லிட்டர் /ஹெக்டர் என்ற அளவில் 500 லிட்டர் தண்ணீரில் கலந்து தெளிக்கவும்.
- குயினால்பாஸ் 25 EC – 750 மிலி /ஹெக்டர் என்ற அளவில் 500 லிட்டர் தண்ணீரில் கலந்து தெளிக்கவும்.
- குலொரன்ட்ரனலிபுரொல் 18. 5 EC – 150 மிலி /ஹெக்டர் என்ற அளவில் 500 லிட்டர் தண்ணீரில் கலந்து தெளிக்கவும்.
- முனைவர் செ. சேகர்,
உதவி பேராசிரியர் (பூச்சியியல் துறை),
ஆர். வி. ஏஸ் வேளாண்மை கல்லூரி, தஞ்சாவூர்
மின்னஞ்சல்: sekar92s@gmail.com
- கு. திருவேங்கடம்,
உதவி பேராசிரியர் (பூச்சியியல் துறை),
ஆர். வி. ஏஸ் வேளாண்மை கல்லூரி, தஞ்சாவூர்
மின்னஞ்சல்: thiru.thanks5@gmail.com